Por Banda de gaites LaKadarma
Bones a toes y a toos!
El pasáu 5 de xineru, LaKadarma participó na Cabalgata de los Reis Magos de Nava, con un desfile qu’acompañó al cortexu de Les Sos Maxestaes d’Oriente dende la entrada de Nava hasta la receición na Casa'l Conceyu.
Nesta actuación presentamos na nuestra formación a tres nuevos componentes, María Llera y César del Río na seición de gaites y Natalia Toraño na seición tenor. Dende esta entrada-yos damos públicamente la bienvenida.
Tamién nesti mes de xineru presentamos el primer calendariu de la banda.
Les semeyes tan feches pola nuestra timbalera y fotógrafa oficial, Lety Cernuda y el diseñu corrió a cargu de Samuel Ordieres, el nuestru bomberu y responsable, entre otres estayes, del diseñu de la imaxen corporativa y de la web de la banda.
Más abaxu podéis descargar el calendariu en formatu PDF.
Si queréis, podéis conocer un poquiñín más sobre los componentes de LaKadarma na nuestra páxina de Facebook:
Seguíi conectaos, qu'en breves vos contaremos más novedaes sobre la banda!
Escribir comentario